Wara s-suċċess fl-implementazzjoni tal-ewwel Pjan t’Azzjoni Nazzjonali (PAN) ta’ Malta fuq in-Nisa, il-Paċi u s-Sigurtà (WPS) għall-perjodu 2020-2024, Malta nediet it-tieni NAP f’Diċembru 2025. Il-pjan il-ġdid ġie żviluppat permezz ta’ konsultazzjonijiet estensivi ma’ dawk konċernati, fosthom ministeri u entitajiet governattivi, il-forzi ddixxipplinati, l-akkademja u s-soċjetà ċivili.
Il-PAN aġġornat, li jkopri l-perjodu sal-2030, għandu l-għan li japprofondixxi l-għarfien nazzjonali dwar l-aġenda tal-WPS u jsaħħaħ l-integrazzjoni tal-perspettivi tal-ġeneru fil-ħidma ta’ dawk involuti, fosthom il-forzi dixxiplinati. Dan il-pjan jfittex ukoll li jsaħħaħ ir-riċerka li tinforma l-politika u l-azzjoni f’dan il-qasam.
Il-PAN huwa bbażat fuq erba’ pilastri prinċipali:
- Il-Promozzjoni: Żieda fl-għarfien dwar l-aġenda tal-WPS u tisħiħ fil-perspettivi tal-ġeneru fil-politika, l-edukazzjoni u l-impenn internazzjoni.
- Il-Prevenzjoni: Implimentazzjoni ta’ miżuri b’saħħithom kontra l-vjolenza abbażi tal-ġeneru, normi li jikkaġunaw ħsara u l-abbuż onlajn, bi protezzjoni mmirata lejn gruppi vulnerabbli.
- Il-Parteċipazzjoni: Tingħata spinta ‘l quddiem lit-tmexxija u r-rappreżentazzjoni tan-nisa fil-ħajja pubblika, inkluż fis-sigurtà, id-diplomazija u l-bini tal-paċi, waqt li jingħata widen lil ilħna diversi, fosthom taż-żgħażagħ.
- L-Għajnuna u s-Sostenn: Jiġi żgurat li l-isforzi umanitarji u ta’ sostenn jkunu inklussivi u jwieġbu għad-dimensjoni tal-ġeneru, billi jappoġġjaw lil min irnexxielu jsalva, lin-nisa u l-bniet li kienu sfurzati jitilqu minn darhom, u lil dawk li jiffaċċjaw vulnerabbiltajiet varji.
Il-PAN ta’ Malta jinsab hawn
