Preżentazzjoni tal-kredenzjali ta’ l-E.T. Dr. Simon Cachia bħala Ambaxxatur tar-Repubblika ta’ Malta għar-Repubblika tal-iSlovakkja

L-Ambaxxatur ta’ Malta għall-iSlovakkja, l-E.T. Dr. Simon Cachia, ippreżenta l-kredenzjali lil E.T Zuzana Čaputová, President tar-Repubblika tal-iSlovakkja, f’ċerimonja li saret fil-Palazz Grassalkovich, il-Palazz Presidenzjali tar-Repubblika tal-iSlovakkja f’Bratislava. Waqt it-tête-à-tête mal-Eċċellenza Tagħha, ġew diskussi suġġetti ta’ interess reċiproku, fosthom l-isfidi tal-immigrazzjoni li qiegħdha tiffaċċja l-Ewropa fil-periferiji taghha tal-Lvant u tan-Nofsinhar.

Qabel il-preżentazzjoni tal-kredenzjali, l-Ambaxxatur ippreżenta l-Copie d’Usage tiegħu lid-Direttur tal-Protokoll tal-Ministeru tal-Affarijiet Barranin u Ewropej tal-iSlovakkja. Waqt li kien f’Bratislava, l-Ambaxxatur kellu bosta laqgħat fil-Ministeru tal-Affarijiet Barranin u Ewropej, fejn ġiet enfasizzata r-relazzjoni eċċellenti bejn iż-żewġ pajjiżi u kif iż-żewġ naħat jistgħu jaħdmu sabiex itejbu l-kollaborazzjoni bejniethom.

Matul iż-żjara f’Bratislava, l-Ambaxxatur kien akkumpanjat mis-Sur Thomas Attard, Second Secretary fil-Ministeru għall-Affarijiet Barranin u Ewropej u l-Kummerċ ta’Malta.

H.E. Dr. Simon Cachia, Ambassador of the Republic of Malta to the Slovak Republic presenting his Letters of Credentials to H.E. Zuzana Čaputová, President of the Slovak Republic at Grassalkovich Palace, Presidential residence in Bratislava.

H.E. Dr. Simon Cachia, Ambassador of the Republic of Malta to the Slovak Republic and H.E. Zuzana Čaputová, President of the Slovak Republic at Grassalkovich Palace, Presidential residence in Bratislava.