Preżentazzjoni ta’ Ittri ta’ Kredenzjali ta’ H.E. Dr. Alexander Scerri Herrera bħala Ambaxxatur tar-Repubblika ta’ Malta għar-Repubblika tal-Litwanja

L-Ambaxxatur tar-Repubblika ta’ Malta għar-Repubblika tal-Litwanja, E.T. Dr. Alexander Scerri Herrera, ippreżenta l-Ittri ta’ Kredenzjali tiegħu lill-E.T. Gitanas Nausėda, President tar-Repubblika tal-Latvja, fit-13 ta’ Frar 2024, fil-Palazz Presidenzjali f’Vilnius.

Il-preżentazzjoni tal-kredenzjali kienet ippreċeduta mill-Ambaxxatur jippreżenta l-Copie d’Usage tiegħu lill-Kap tal-Protokoll Diplomatiku tal-Istat tal-Ministeru ta’ l-Affarijiet Barranin tar-Repubblika tal-Litwanja. Waqt iż-żjara tiegħu f’Vilnius, l-Ambaxxatur Scerri Herrera ltaqa’ mal-Kap tar-Rappreżentanza tal-Kummissjoni Ewropea u man-Nunzju Appostoliku. Huwa kellu wkoll laqgħat fil-Ministeru tal-Affarijiet Barranin tal-Litwanja mal-Viċi Ministru u Direttur għall-Kooperazzjoni Bilaterali u Reġjonali Ewropea, fejn ġew diskussi Affarijiet kurrenti u oqsma potenzjali għal aktar kollaborazzjoni bejn Malta u l-Litwanja.

Tul iż-żjara f’Vilnius, l-Ambaxxatur kien akkumpanjat mis-Sur Daniel Sammut, l-Ewwel Segretarju fil-Ministeru għall-Affarijiet Barranin u Ewropej u l-Kummerċ ta’ Malta.